Baaq,qaabka soo xulida Xildhibaanada cusub.
UK:-(RT)Ku:-Odayaasha Dhaqanka Somaaliyeed. Ku:-Gudigga Farsamada Xulida Xildhibaanada. Og:-Golaha Culimaa-udiinka Somaaliyeed. Og:-Ururadda Bulshadda. Og:-Xisbiyadda Siyaasadeed. Og:-Aqoonyahanka iyo Waxgaradka damiirka Leh. Og:-Madaxdda Sarre Dowladda Somaaliyeed. Ujjeedo:-Qaabka Soo Xulidda Xildhibaanadda. Dhaq-dhaqaaqa Somaaliyeed Nabada,Midnimada iyo Cadaalada oo mudnaanta koowaad siinaaya danta guud iyo masiirka Ummada Mudada dheer ku soo jirteey rafaadka,colaada,dagaalka dhiiga badan lagu daayeey,ku xadgudubida xoriyadooda iyo xuquuqdooda iyo boobka hantidoodaba waxaanu halkan baaq ahamiyadiisa leh uga soo gudbineeynaa Odayaasha Dhaqanka xurmadooda leh in eey ka digtoonaadaan eexda,cadaalad daradda,qof jecleysiga iyo taageero siinta shakhsiyaadka loo aaneeynaayo fal demiyeedka. Dhaq-dhaqaaqa Somaaliyeed wuxuu ku adkeeynaayaa Odayaasha Dhaqanka,cuqaashada iyo waxgaradka beelaha somaaliyeed in eey soo xulaan shakhsiyaad leh qiimo qarameed,damiir nool,dameen wadaniyadeed,aqoon iyo xilkasnimo oo u qalma metelaadooda iyo metelaada xurmadda xildhibaanimo,kana taxadiraan soo xulidda shakhsiyaadka ku sifoobeey dhiig daadiinta,colaada,qabyaalad ku dhaqmida,kuwa la wada yaqaan oo eedeeysanayaasha ah(kooxda Qab-qablayaasha iyo Dagaal Oogayaasha). Dhaq-dhaqaaqa Somaaliyeed wuxuu si cad ugu digaayaa kuwa ama Kooxda lagu sheego saxiixayaasha oo fara-gelinta weyn ku haya habka soo xulidda Xildhibaanada iyagoo daba ka riixaaya kuwo dano gaar ah eey ka leeyihiin blse aan u qalmin maqaamka iyo xurmadda Xildhibaanimo iyagoo gacan siin ka helaayo gudigga Farsamada oo awalba shaki weyn ka jiray ujeedadii ka dameeysay magacaabidooda,lama aqoonsanaayo Xildhibaan aan wadan saxiixa iyo kalsoonida Isimkiisa iyo Beeshiisa. Dhaq-dhaqaaqa Somaaliyeed xaq difaacaha,xurmo illaaliyaha iyo wanaag taagerahu wuxuu halkan ku cadeeynaayaa in eey tahay wax si weyn looga xumaado ayaan daradeed leh,dhawaacadeeda qaran leh isla markaana fadeexad labaad ku noqonaayaa Xukuumada hada jirta oo awalba musuqmaasaq xad dhaaf ah ku eedeysaneyd in eey mar kale ku kacaan dhaqan xumada iyo musuqmaasaq gelinta howsha xulida Xildhibanada Barlananka cusub(Laaluush qaadasho)iyo fara gelinta masuuliyadda odayaasha dhaqanka. Dhaqdhaqaaqa Somaliyeed oo si weyn u dhoowraaya saamiga haweenka Somaliyeed una aqoonsan Haweenka laf-dhabarka qoys iyo qarankaba amaan iyo bogaadin halkan uga soo gudinaya,waxaana ka digeeynaa in la dudsiyo,la boobo ama loo diido Haweenka Samigooda ah 30%,anagoo maqleeyna codad dhaareer oo diidan in beelahooda Haweenka saami ka helen taasoo dhinac marsan qodobada Dastuurka isla markana ah dulmi cad iyo dembi laga gelaayo Haweenka Somaliyeed oo waqtigan ka karti badan,damiir iyo dareen wanaagsan raga,kana daacadsan marka dhinac walba laga eego,waxaana tusaale ku filan:-Xildhiban-Caasha X.Cilmi, Xildhibaan-Caasha Ahmed Cabadlle,Faadumo C/Laahi Qayaad oo ah kuwa ugu karti badan,daacadsan uguna wadanisan Xildhibaanada hada jira, inkastoo Xildhibaano rag ah oo dareen wadaniyadeed lehiba jiraan:- Proff-Dalxa,Ustaad-Cawad Cashare,Proff-Ilka Dahab,Maxamuud Geedi, Xidig,Gaadh-haye,Cumar Isloow iyo kuwo kaleba. Dhaq-dhaqaaqa Somaaliyeed waxaan ku war-gelineeynaa Bulsho-weynta Somaaliyeed in aanay ogolaan hadii Xildhibaanimada loo soo xullo Shkahsiyaad magac xumo,dhaqan xumo iyo dhaliilo ama eedeeyn falal dembiyeed leh waana la wada yaqaan qas-wadayaasha iyo kooxaha dhibka mudada dheer shacabka ku hayeey(Nin Xun soo dhoweeyn ma Mudna). -Amaan iyo Bogaadiin Farshaxanka Qaranka halyeey-Amiin Caamir. -Xafiiska Afhayeenka Guud:- -Dhaq-dhaqaaqa Somaaliyeed Nabadda,Midnimadda iyo Cadaaladda. -Aug-05-2012.